Vendimi i pritshëm i Bashkimit Europian në mbledhjen e këshillit të ministrave më 8 nëntor ka bërë që edhe opozita shqiptare të shtyjë zhvillimin e protestave të saj pas kësaj date.
Në tryezën e sotme të partive të opozitës është diskutuar edhe lidhur me ftesën që pak ditë më parë kryeministri Sali Berisha i ka drejtuar të gjitha forcave politike për të nisur punën me reformën zgjedhore.
Partitë e opozitës kanë mbështetur qëndrimin e partisë socialiste lidhur me këtë cështje, për të mos u bërë pjesë e reformës përsa kohë shumica, sic është shprehur edhe kryetari socialist Edi Rama, nuk i hap rrugë transparencës së zgjedhjeve të qershorit të 2009-tës.