Lidhje

Lutje në Kishën Koptike në Aleksandri, një ditë pas sulmit vdekjeprurës

  • Zëri Amerikës

Lutje në Kishën Koptike në Aleksandri, një ditë pas sulmit vdekjeprurës

Lutje në Kishën Koptike në Aleksandri, një ditë pas sulmit vdekjeprurës

Të krishterët u kthyen të dielën për lutje në Kishën Koptike Egjiptiane, një ditë pas një incidenti që dyshohet si sulm vetëvrasës dhe shkaktoi vdekjen e 21 besimtarëve dhe plagosjen e dhjetëra të tjerëve.

Njolla gjaku nga sulmi i mëngjesit të djeshëm në qytetin e Aleksandrisë ishin ende të dallueshme në kohën kur besimtarët faleshin. Autoritetet egjiptiane kishin dërguar forca të shumta sigurie përreth kishës para shërbesës fetare.

Papa Benedikti përsëri e dënoi sulmin, duke e cilësuar si ofendim për Zotin dhe gjithë njerëzimin.

Askush nuk ka marrë përgjegjësinë për shpërthimin që u krye kur besimtarët ishin mbledhur në kishë për lutje dhe për të pritur Vitin e Ri.

Presidenti i Egjiptit Hosni Mubarak e dënoi shpërthimin, duke thënë se të krishterët dhe myslimanët e vendit nuk duhet të përçahen nga ato që i cilësoi si akte terroriste.

XS
SM
MD
LG