Diplomati më i lartë i botës arabe ka bërë thirrje për heqjen e bllokadës izraelite ndaj Rripit të Gazës.
Sekretari i Përgjithshëm i Lidhjes Arabe Amr Musa u takua sot me udhëheqësin e Hamasit Ismail Hanijeh dhe tha se bllokada ndaj Gazës duhet të marrë fund.
Shefi i organizatës me 22 anëtarë u takua me zotin Hanijeh në banesën e tij dhe jo në zyrë, siç duket në përpjekje për të shmangur interpretime se Lidhja Arabe njeh marrjen e territorit palestinez nga Hamasi.
Izraeli e vendosi bllokadën 3 vjet më parë, pasi grupi ekstremist Hamas mori nën kontroll Gazën nga fraksioni Fatah i Presidentit palestinez Mahmud Abaz.
Lidhja Arabe mbështeti zotin Abaz kundër uzurpimit të Gazës nga Hamasi.
Ndërkaq sot në Jeruzalem, kryeministri Benjamin Netanjahu tha se vendi i tij do të lejonte futjen e më shumë furnizimeve civile në Gazë, por nuk mund të lejonte lëvizjen e lirë të armëve për grupin ekstremist Hamas.