Lidhje

Uilliams: Kjo është një ditë e madhe për Kosovën

  • Keida Kostreci

Uilliams: Kjo është një ditë e madhe për Kosovën

Uilliams: Kjo është një ditë e madhe për Kosovën

Ekpert ligjor dhe analisti i çështjeve të Ballkanit, Pol Uilliams tha menjëherë pas dhënies së opinionit të Gjykatës Ndërkombëtare të Drejtësisë, se kjo është një ditë e madhe për Kosovën dhe se tani nuk mbetet më asnjë dyshim për shtetin e Kosovës.

Profesori Uilliams, Drejtor Ekzekutiv i Grupit për të Drejtën Ndërkombëtare dhe Politikën Publike, i cili ka qenë i përfshirë në negociatat për Kosovën që në Rambuje dhe është angazhuar vazhdimisht me zhvillimet rreth saj, tha se sot Gjykata Ndërkombëtare mori një vendim shumë të rëndësishëm për Kosovën, kur tha qartë se Kosova nën ligjin ndërkombëtar ka të drejtën të jetë e pavarur dhe tani për sovranitet dhe tërësi territoriale.

“Kjo është një fitore madhe për Kosovën dhe rikonfirmon gjithçka që ka bërë qeveria e Kosovës dhe populli i Kosovës gjatë dekadës së fundit për të vulosur pavarësinë e tyre, sovranitetin dhe tërësinë territoriale. Ky është një lajm shumë i mirë për Kosovën”.

Prof. Williams shtoi se tani i takon qeverisë së Kosovës që tani ta përdorë këtë përcaktim ligjorn sipas së cilit ata kishin të drejtë ta bënin shpalljen e pavarësisë dhe tani qeveria e Kosovës duhet të bëjnë një fushatë të shumëanshme dhe agresive për aktin politik të njohjes nga shtetet e tjera.

Deri tani, tha ai shtetet kanë thënë se nuk duan të angazhohen në këtë proces për shkak të pasigurive ligjore. Tani Kosova duhet të shkojë dhe të thotë se një vendim ligjor u mor, ishte qartësisht në favor të Kosovës dhe tani duhet të hyjmë në diskutime politike për njohjen nga shtetet që nuk e kanë bërë një gjë të tillë.

Profesor Uilliams thotë se këto përpjkje duhet të fillojnë që sot dhe të fillojnë të sigurojnë këto njohje politike. Ai thotë se megjithëse Serbia mund të thotë se vendimi ishte i komplikuar dhe të përpiqet të manovrojë me të, Kosova me mbështetjen e Shteteve të Bashkuara dhe aleatëve të tjerë duhet që të këmbëngulë duke thënë që çdo gjë është e qartë. Ai tërheq gjithashtu vëmendjen se Serbia mund të kërkojë negociata politike, por se nuk duhet harruar që negociatat u bënë kur ishte për t’u bërë duke filluar që nga Rambujeja, tek standardet pas statusit, si edhe ato të Vienës. Prof. Williams thotë se Kosova tani duhet ta përqendrojë vëmendjen tek akti politik i njohjes dhe jo të bëjë hapa pas dhe të bjerë në kurthin e negociatave, që sipas tij vetëm do ta ulte rëndësinë e fitores së sotme.

Eksperti thotë se opinioni i sotëm e ndryshoi krejtësisht ekuacionin edhe përsa i takon veriut të Kosovës, pasi tani nuk ka dyshim që ajo është pjesë e Kosovës dhe tani mund të bëhen përjekje vetëm për të qetësuar tensionet.

Profesori Uilliams është se pas një fitoreje të tillë të rëndësishme për Kosovën, tani rruga përpara është qartësuar dhe qeveria e vendit duhet të përqendrohet tek zgjerimi i vendeve që njohin shtetin e Kosovës.

XS
SM
MD
LG