Lidhje

Haitianët hedhin votat në zgjedhjet presidenciale

  • Zëri Amerikës

Haitianët hedhin votat në zgjedhjet presidenciale

Haitianët hedhin votat në zgjedhjet presidenciale

Në Haiti zvhillohen zgjedhjet presidenciale që shihen si një nga më të rëndësishme të vendit në shumë vjet.

Rreth 4.5 milionë votues pritet të marrin pjesë për zgjedhjen e presidentit të vendit që përpiqet të rimëkëmbet nga tërmeti i fuqishëm i muajit janar dhe që tani po lufton me epideminë e kolerës.

Votuesit do të zgjedhin pasardhësin e Presidentit Rene Preval, i cili sipas ligjit, nuk mund të kandidojë për një mandat të tretë.

Tre nga 18 kandidatët që janë në garë kanë dalë në krye. Ish zonja e parë, Mirlande Manigat, do të ishte gruaja e parë presidente nëse zgjidhet. Një artist popullor, Mishell Martelli, ka tërhequr grupe të mëdha përkrahësish. Një tjetër kandidat, anëtar i partisë jopopullore në pushtet, Xhad Selestin, është një prej kandidatëve kryesorë.

Artisti i lindur në Haiti, Uei Klif Xhin, u skualifikua nga pjesëmarrja në garë, pasi zyrtarët haitianë thanë se ai nuk plotësonte kushtet pasi nuk kishte banuar për pesë vjet në vend. Xhin ishte mes 15 kandidatëve që u skualifikuan.

Rezultatet e para të votimeve të sotme nuk priten para datës 7 dhjetor dhe ato përfundimtare pritet të shpallen në datën 20 dhjetor.

XS
SM
MD
LG