Qindra punonjës të sektorit publik ishin mbledhur sot para Parlamentit në Itali për të prostestuar kundër paketës së masave të ashpëra ekonomike të propozuara nga kryeministri Mario Monti. Paketa u miratua nga Parlamenti javën e kaluar dhe pritet të kalojë në Senat para Kishtlindjes.
Analistët e ekonomisë thonë se agjencia e klasifikimit të kreditit Fitch mund ta ulë edhe një pikë më poshtë vlerësimin për Italinë. Kjo agjenci ka thënë se është duke shqyrtuar mundësinë e uljes së klasifikimit për Belgjikën dhe 5 vende të tjera të Eurozonës.
Udhëheqësit evropianë arritën marrëveshje për çështjen e borxhit të kontinentit, në përpjekje për zgjidhjen e krizës, por lajmet e reja për uljen e klaisifikimit të kreditit i kanë zbehur shpresat për t’i dhënë fund rrezikut që kërcënon EURON, për rrjedhojë mbarë ekonominë botërore.