Kompania Apple thotë se ka ndërprerë shitjet e iPhonit në Kinë pasi klientët që prisnin daljen në treg të produktit u përleshën me rojet e sigurisë dhe hodhën vezë në një dyqan në Pekin.
Klientët që kishin pritur prej orësh jashtë dyqanit për të blerë iPhonin 4S u irrituan pasi mësuan se nuk do të ishin në gjendje të blenin celularin.
Një zëdhënës i Apple tha sot se shitjet u pezulluan për të siguruar klientët dhe punonjësit.
Kompania tha se dyqanet e shitjeve me pakicë në Kinë nuk disponojnë më iPhone por se pajisja mund të blihet online.