Lidhje

Gazetarët pa Kufij kritikon ambasadorin Dell për presion ndaj shtypit

  • Zëri Amerikës

Gazetarët pa Kufij kritikon ambasadorin Dell për presion ndaj shtypit

Gazetarët pa Kufij kritikon ambasadorin Dell për presion ndaj shtypit

Një organizatë prestigjioze për lirinë e medias ka kritikuar reagimin e ambasadorit amerikan Kristofer Dell ndaj medias në Kosovë. Organizata Gazetarët Pa Kufi kritikon letrën e hapur të ambasadorit Dell në adresë të grupeve mediatike Koha dhe Ekspres, ku zyrtari amerikan u kërkon “në emër të lexuesve dhe shikuesve që të kërkojnë ndjesë për sjelljen e tyre”.

Ambasadori e dërgoi letrën e hapur pas publikimit nga grupet mediatike të komunikimeve të tij me këshilltarin e zotit Behgjet Pacolli, para votës së tretë dhe të fundit në Parlament që përfundoi me zgjedhjen e zotit Pacolli si president i Kosovës.

Organizata Gazetarët pa Kufi e cilëson si një trysni të paprunueshme ndaj shtypit kosovar këmbënguljen e ambasadorit Dell se publikime të tilla përbëjnë akt kriminal në bazë të nenit 170 të kodit penal, që specifikon se publikimi i mesaxheve apo informatave të marra përmes përgjimit mund të ndëshkohet me 1 vit burgim.

Organizata thekson se media kosovare, që ndeshet aktualisht me presion nga udhëheqësit e vendit, duhet të presë një qëndrim më përkrahës nga një vend si Amerika që përgjithësisht njihet për angazhimin e saj në mbështetje të medias.

Ambasadori, thekson më tej organizata përmes një deklarate për shtyp, nuk mund të pretendojë që media kosovare të ndjekë një tjetër praktikë nga Shtetet e Bashkuara ku metoda të ngjashme për grumbullim faktesh do të trajtoheshin si veprime në interesin publik dhe ku informacioni do të ishte botuar pa ndëshkime apo reagime.

XS
SM
MD
LG