Në Kosovë, kanë vazhduar reagimet rreth ndryshimeve në kabinetin qeverisës të drejtuar nga kryeministri Hashim Thaçi. Ai edhe sot i cilësoi ato si rezultat të angazhimit të përbashkët të partnerëve të koalicionit qeverisës për, siç theksoi ai, forcimin e shtetit të Kosovës dhe thellimin e reformave. Opozita ndërkaq i sheh ato si veprim mbijetese i qeverisë e cila sipas saj nuk ka bërë veprime për ndryshimin pozitiv të jetës së qytetarëve të vendit.