Lidhje

SHBA në mbështetje të çdo procesi hetimor mbi aludime për trafik organesh

  • Zëri Amerikës

SHBA në mbështetje të çdo procesi hetimor mbi aludime për trafik organesh

SHBA në mbështetje të çdo procesi hetimor mbi aludime për trafik organesh

Shtetet e Bashkuara i marrin shumë serozisht të gjitha akuzat e besueshme për veprimtari penale, u shpreh zëdhënësi i Departamentit amerikan të Shtetit P.J.Kroli në lidhje me aludimet se Kryeministri i Kosovës Hashim Thaçi ka qenë i përfshirë në rrëmbimin e personave që pastaj janë shfrytëzuar nga një rrjet i trafikut të organeve.

Zëdhënësi i Departamentit amerikan të Shtetit P.J. Kroli i bëri komentet të mërkurën në konferencën e rregullt për shtyp, ku nënvizoi se akuzat janë ngritur në një raport paraprak. Zoti Kroli shtoi se ka sisteme gjyqësore si Gjykata e Kombeve të Bashkuara për Krime Lufte, që kanë vepruar prej vitesh dhe se janë hapur një numër procesesh të suksesshme lidhur me akuzat për krime lufte. Si Kombet e Bashkuara, ashtu edhe Gjykata e Hagës kanë hetuar që nga 2004 akuzat mbi rrjete për trafikim organesh, por ato vendosën që të mos ndërmerrnin masa të mëtejshme në këtë drejtim, tha zëdhënësi i Departamentit të Shtetit. Shtetet e Bashkuara, tha zoti P.J.Crowley, mbështesin çdo hetim mbi akuza të tilla.

Në përgjigje të pyetjes nëse Shtetet e Bashkuara ishin treguar pasive në lidhje me akuza të tilla, pasi synimi i tyre ishte finalizimi i pavarësisë së Kosovës, zëdhënësi nënvizoi se Shtetet e Bashkuara e kanë njohur pavarësinë e Kosovës, e cila u realizua pas një përparimi të dukshëm, punës së jashtëzakonshme të zotit Marti Ahtisari për një numër vitesh, dhe pasi u arrit në përfundimin se nuk kishte asnjë alternativë tjetër funksionale. Shtetet e Bashkuara, tha në përfundim të komenteve të tij zëdhënësi i Departamentit të Shtetit, P.J. Kroli, e njohën pavarësinë e Kosovës ndërkohë që vazhduan të punojnë me ngulm për marrëdhëniet të mira mes shtetit të ri dhe fqinjëve të saj.

XS
SM
MD
LG