Lidhje

Kosovë: Dy të arrestuar nën dyshime për krime lufte

  • Leonat Shehu
  • Prishtinë

Kosovë: Dy të arrestuar nën dyshime për krime lufte

Kosovë: Dy të arrestuar nën dyshime për krime lufte

Misioni I Bashkimit Evropian për policinë dhe drejtësinë në Kosovë, bëri të ditur arrestimin e dy personave nën dyshimet për përfshirje në krime lufte.

Në një njoftim të këtij misioni thuhet se sot në rajonin e Prizrenit në Kosovën perëndimore janë arrestuar dy shqiptarë të Kosovës në siç thuhet “kuadrin e disa hetimeve në vazhdim që kanë të bëjnë me krime të luftës”.

Në njoftim thuhet se “akuzat ndërlidhen me ushtrimin e masave të kërcënimit dhe terrorit; zhvendosjen e popullatës civile, vepra këto të kryera mes datës 17 dhe 19 korrik 1998 në Rahovec dhe në fshatrat përreth”.

Identiteti i të arrestuarve nuk është bërë i ditur.

Hetimet po zhvillohen nën mbikëqyrjen e një prokurori të EULEX-it, i cili mban përgjegjësinë për trajtimin e lëndëve që kanë të bëjnë me krimet e luftës.

XS
SM
MD
LG