Në Maqedoni ardhja e shtatorit sjell hapjen e shkollave nëntëvjeçare dhe të mesme. Por nxënësit e shkollës së Bujqësisë në Likovë në veri të vendit dhe në fshatin Sfillare në perëndim të Shkupit ende nuk janë ulur në bankat e shkollës. Në këto objekte nuk ka kushte themelore për zhvillimin e mësimit. Autoritetet qendrore nuk dinë se kur do të krijohen kushtet, ndërsa autoritetet vendore presin ndihmën e qeverisë për meremetimin e ndërtesave të shkatërruara.