Lidhje

Administrata Obama shpall një strategji të re bërthamore

  • Zëri Amerikës

Administrata Obama shpall një strategji të re bërthamore

Administrata Obama shpall një strategji të re bërthamore

Presidenti Barak Obama tha se doktrina e re bërthamore amerikane është një hap i rëndësishëm përpara për të pakësuar rolin e armëve bërthamore në strategjinë e sigurisë kombëtare të Amerikës.

Presidenti tha në një deklaratë se doktrina e re përqendrohet te pakësimi i rreziqeve bërthamore duke ruajtur ndërkohë një element efikas për frenimin bërthamor. Ai tha se për herë të parë, parandalimi i përhapjes së armëve bërthamore dhe i terrorizmit bërthamor janë në krye të axhendës bërthamore amerikane.

Sekretari i Mbrojtjes Robert Gejts tha se Shtetet e Bashkuara nuk do të përdorin ose nuk do të kërcënojnë të përdorin armë bërthamore ndaj vendeve që nuk kanë armë të tilla dhe që respektojnë traktatin për mospërhapjen e armëve bërthamore.

Por ai shtoi se nëse ndonjë prej këtyre vendeve sulmon Shtetet e Bashkuara ose aleatët e tyre me armë kimike ose biologjike ata do të përballen me një kundërpërgjigje ushtarake shkatërrimtare. Ai tha se Shtetet e Bashkuara rezervojnë të drejtën për t'i bërë ndryshime kësaj politike.

Sekretari i Mbrojtjes tha se dokumenti i strategjisë së re i dërgon një mesazh të fortë Koresë së Veriut dhe Iranit se të gjitha alternativat e mundëshme janë duke u shqyrtuar. Kongresi amerikan i kërkon secilës administratë të publikojë një plan për përdorimin e armëve bërthamore.



XS
SM
MD
LG