Lidhje

Presidenti Obama i quajti “fyese” dhe “plot urrejtje” komentet Ahmadinexhadit në OKB

  • Zëri Amerikës

Presidenti amerikan Barak Obama i quajti “fyese” dhe “plot urrejtje” komentet e Presidentit iranian Mahmud Ahmadinexhad për sulmet terroriste të 11 shtatorit.

Udhëheqësi iranian tha se “shumica e njerëzve në botë” besojnë se qeveria amerikane ishte përgjegjëse për sulmet më 2001. Ai tha se ishin kryesisht zyrtarët e qeverisë amerikane ata që besuan se një grup terrorist ishte përgjegjës për sulmet në Nju Jork dhe Pentagon.

Zoti Obama i tha shërbimit në gjuhën perse të BBC-së se ishte veçanërisht fyese që zoti Ahmedinezhad i bënte këto komente në Nju Jork, jo shumë larg vendit ku ndodhën sulmet.

Shtetet e Bashkuara dhe delegacione të tjera perëndimore braktisën sallën dje gjatë fjalimit të zotit Ahmedinexhad para Asamblesë së Përgjithshme të OKB-së.

Udhëheqësi iranian tha gjithashtu se disa njerëz “brenda qeverisë amerikane” mund të kenë orkestruar sulmet me synimin për të ndaluar rënien ekonomike amerikane dhe për të shpëtuar Izraelin.

XS
SM
MD
LG