Lidhje

Franca: 100 romë të tjerë të dëbohen nga vendi

  • Zëri Amerikës

Zyrtarët francezë thonë se të paktën 100 banorë romë do të dëbohen sot për në Rumani dhe Bullgari, ndërsa kritikat po shtohen ndaj vendimit të Presidentit Nikola Sarkozi për dëbimin e emigrantëve.

Dje rreth 60 romë u dëbuan nga Franca për në Rumani. Autoritetet franceze thonë se deri në fund të muajit do të dëbohen rreth 700 romë. Të rriturve që largohen vetë u jepen 385 dollarë, ndërsa çdo të mituri 130, për të mbuluar shpenzimet e rivendosjes në një vend tjetër. Presidenti Sarkozi e ka cilësuar dëbimin e romëve si një masë për të luftuar kriminalitetin.

Por kritikët, përfshirë udhëheqës të opozitës, e akuzojnë zotin Sarkozi, se po shfrytëzon ksenofobinë për të shmangur vëmendjen e publikut nga disa skandale të rënda të zyrtarëve qeveritarë. Të tjerë i kanë krahasuar dëbimet me qëndrimin e nazistëve ndaj hebrenjve të Francës në Luftën e Dytë Botërore.

Vitin e kaluar rreth 10 mijë romë u larguan nga Franca për t’u riatdhesuar në vendin e tyre. Por shumica e të dëbuarve u kthyen në Francë si qytetarë evropianë, të lirë për të udhëtuar brenda vendeve të BE-së.

XS
SM
MD
LG