Policia italiane tha se një pako bombë u gjet sot tek ambasada greke në Romë.
Policia tha se pakoja nuk shpërtheu dhe bomba u çaktivizua nga specialistët.
Pakoja bombë gjendet dy ditë pasi pako të ngjashme shpërthyen në ambasadat kiliane dhe zvicerane në kryeqytetin italian. Dy punonjës të ambasadave u plagosën nga shpërthimet.
Pjesëtarë të një grupi anarkist morën përgjegjësinë për pakot bomba të javës së kaluar, ndërsa për përpjekjet e sulmit të sotëm ende nuk e ka marrë kush përgegjësinë.
Policia në të gjithë Evropën ka qenë në gatishmëri të lartë që nga sulmi vetëvrasës në Stokholm në fillim të këtij muaji që vrau autorin e sulmit dhe plagosi dy veta.
Javën e kaluar, 12 të dyshuar për terrorizëm u arrestuan në Britani.