Lidhje

Zëvendës Sekretari i Shtetit Bill Burns, turne në Ballkanin Perëndimor

  • Zëri Amerikës

Zëvendës Sekretari i Shtetit Bill Burns, turne në Ballkanin Perëndimor

Zëvendës Sekretari i Shtetit Bill Burns, turne në Ballkanin Perëndimor

Zëvendës Sekretari amerikan i Shtetit Bill Burns, i shoqëruar nga Ndihmës Sekretari i Shtetit për Narkotikët dhe Zbatimin e Ligjit, William R. Brownfield, do të fillojnë nesër një turne pune me ndalesa në Vjenë të Austrisë si dhe në disa vende të Ballkanit Perëndimor.

Dy zyrtarët e lartë do të zhvillojnë nga data 16-20 shkurt takime me zyrtarë të lartë në Serbi, Bosnje-Hercegovinë, Kosovë dhe Kroaci lidhur me çështje dypalëshe dhe rajonale.

Gjatë takimeve, Zëvendës Sekretari Burns do të nënvizojë angazhimin amerikan ndaj vendeve të Ballkanit Perëndimor dhe mbështetjen e vazhdueshme për aspiratat e tyre euro-atlantike. Ai do t’i nxisë vendet për bashkëpunim më të madh rajonal si dhe do të theksojë nevojën që udhëheqësit e këtyre vendeve të punojnë seriozisht në përgjigje të sfidave si forcimi i shtetit ligjor dhe zhvillimi ekonomik.

Para turneut në Ballkanin Perëndimor, dy zyrtarët e lartë amerikanë do të ndalen fillimisht në Vjenë për të marrë pjesë në takimin ministror të Paktit të Parisit në mbështetje të përpjekjeve rajonale dhe afgane kundër trafikut të drogës.

XS
SM
MD
LG