Përpjekje për të promovuar pasuritë natyrore të Tropojës

Tropoja është rrethi më i largët në zonën verilindore të Shqipërisë. Megjithë pasuritë e shumta natyrore që ka ky rreth, banorët e tij vazhdojnë të përballen me një nivel të lartë të papunësisë dhe varfërisë. Në këtë rreth po bën përpjekje një grup banorësh, të cilët kanë ngritur "Grupin e veprimit lokal Bjeshkët e Namuna", i cili organizoi dje në qytetin e Bajram Currit “Festën e Gështenjës”, duke synuar të promovojnë pasuritë natyrore, ende të pashfrytëzuar sa duhet të Tropojës.