Ish-shefi i FMN-së Dominik Stros Kahn dhe një shkrimtare që e akuzon atë për përpjekje për përdhunim janë takuar sot në Paris me hetuesit, për të përcaktuar në se do të ngrihen akuza për këtë çështje.
Takimi mes Stros-Kanit dhe Tristan Banon-it u zhvillua në zyrat e policisë së Parisit. Banon thotë se Stros-Kan u përpoq ta përdhunonte gjatë një interviste në vitin 2003. Ish-kryetari i FMN-së i cilësoi akuzat imagjinare, duke thënë se afrimi i tyre ishte reciprok.
Tristan Banon thonë se mund të hapë një proces gjyqësor civil kundër ish-shefit të FMN-së, nëse prokurorët nuk hapin një proces kriminal. Stros Kahn u kthye në Francë, pasi akuzat ndaj tij të ngritura në Shtetet e Bashkuara nga një shërbyese hoteli për sulm seksual u hoqën.