Lidhje

Presidenti rus Dmitri Medvedev për vizitë në Shtetet e Bashkuara

  • Zëri Amerikës

Presidenti rus Dmitri Medvedev do të zhvillojë një takim me disa nga emrat më të mëdhenj të industrisë së teknologjisë së lartë, në ditën e parë të plotë të tij në Shtetet e Bashkuara.

Zoti Medvedev arriti mbrëmë në shtetin perendimor të Kalifornisë për një vizitë tre ditore që synon të forcojë marrëdhëniet bilaterale përmes shtimit të bashkëpunimit tregëtar.

Vizita e presidentit rus përfshin një turne në Luginën Silicon të Kalifornisë, baza e shumë kompanive teknologjike. Ai pritet të takohet me krerët e kompanive Apple, Cisco Systems, Google dhe Twiter. Ai do të flasë sot edhe në Universitetin e Stanfordit.

Presidenti rus ka reklamuar përdorimin e teknologjisë së stilit amerikan dhe risitë për të ndihmuar në modernizimin e ekonomisë ruse.

Nesër, zoti Medvedev do të zhvillojë bisedime në Uashington me presidentin Barak Obama.

Shtëpia e Bardhë tha se të dy udhëheqësit do të eksplorojnë mënyra për të rritur bashkëpunimin përmes tregëtisë, investimeve dhe risive.

XS
SM
MD
LG