Lidhje

SHBA, Koreja e Jugut mbyllin manovrat ushtarako-detare në Detin e Japonisë

  • Zëri Amerikës

Komandantët ushtarakë të Shteteve të Bashkuara dhe Koresë së Jugut shprehen kënaqësi me rezultatet e stërvitjeve ushtarake katër ditore të zhvilluara për t’i dhënë një paralajmërim Koresë së Veriut.

Rreth 20 anije, 200 aeroplanë dhe personel prej 8 mijë vetësh morën pjesë në manovrat e zhvilluara në Detin e Japonisë që përfunduan sot, si sulme me bombë dhe manovra kundër nëndetësve të simuluara me kompjuter. Në Seul, një zyrtar i shtatëmadhorisë i tha gazetarëve se ushtria e vendit të tij ka ndërtuar vetëbesim se mund të zbrapsë çdo veprim agresioni nga Koreja e Veriut në saje të aleancës me Shtetet e Bashkuara.

Një gazetë e ushtrisë amerikane citoi komandantin e një prej anijeve që mori pjesë në stërvitje të ketë thënë se ai ka besimin që Korea e Veriut i i ka kushtuar vëmendje manovrave dhe e ka kuptuar mesazhin e stërvitjes.

XS
SM
MD
LG