Lidhje

Ngrihen akuzat kundër rreshterit amerikan Robert Bejlls

  • Zëri Amerikës

Sot u ngritën 17 akuza për vrasje ndaj ushtarit amerikan Robert Bales, për masakrën ndaj civilëve afghanë në dy fshatra të provincës Kandahar.

Mbi rreshterin Bales u ngritën gjithashtu gjashtë akuza për tentativë vrasjeje për ngjarjet e 11 marsit.

Bales, një veteran që kishte shërbyer 11 vjet në ushtri, po mbahet në një burg ushtarak në Fort Leavenworth në shtetin e Kansasit. Ai akuzohet se kishte ikur nga pozicioni i tij ushtarak në Afganistan në errësirë dhe kishte vrarë nëntë fëmijë dhe tetë të rritur.

Të afërm të viktimave thanë sot se duan që gjyqi i ushtarit amerikan të mbahet në Afganistan.

Ai mund të përballet me dënim me vdekje. Ushtria amerikane nuk ka ekzekutuar një anëtar të saj që prej pesë dekadash.

XS
SM
MD
LG