Zyrtarë të lartë të Bashkimit Evropian thanë se deri në fund të vitit Shqipëria dhe Bosnje-Herzegovina mund të fitojnë statusin që qytetarët e tyre të udhëtojnë pa viza.
Por zyrtarët, përfshirë edhe ministrin e Brendshëm të Spanjës, Alfredo Perez Rubalcaba dhe ministri i Jashtëm i Italisë, Franko Frattini, thanë se këto dy vende duhet të zbatojnë më shumë reforma për të provuar se janë gati për këtë privilegj.
Reformat përfshijnë luftën kundër korrupsionit, përmirësimin e shtetit juridik dhe të masave të sigurisë për pasaportat.
Komisioni Evropian, organi ekzekutiv i Bashkimit Evropian, rekomandoi muajin e kaluar udhëtimin pa viza të qytetarëve shqiptarë dhe boshnjakë. Komisioni Evropian e konsideron çështjen e heqjes së vizave si një gurëthemel të integrimit për vendet e Ballkanit perëndimor.
Parlamenti Evropian dhe të 27 vendet anëtare të BE-së duhet të miratojnë politikën e re.
Vitin e kaluar, Bashkimi Evropian eliminoi kërkesat për viza për Maqedoninë, Malin e Zi dhe Serbinë.