Në Shqipëri industria fason, që punon për eksport me materiale të porositësit, është zgjeruar vitet e fundit duke punësuar rreth 100 mijë punëtorë, kryesisht gra e vajza. Vetëm në Shkodër janë 27 ndërmarrje fason që eksportojnë në vendet e Bashkimit Europian. Por industria e fasonëve ka nevojë për rinovimin e teknologjisë dhe aftësimin e fuqisë punëtore. Korrespondenti ynë Pëllumb Sulo, ishte në ndërmarrjen “Shere Moda” në Shkoder, ndër të parat e industrisë fason në Shqipëri dhe përgatiti kronikën në vazhdim.