Në Shqipëri sot u kujtua ngjarja e katër viteve më parë kur në bulevardin qendror të kryeqytetit, katër qytetarë mbetën të vrarë gjatë protestës së opozitës socialiste kundër qeverisë së atëhershme të kryeministrit Sali Berisha. Qeveria njoftoi sot se ka vendosur të lidhë një pension të posacëm për familjet e të vrarëve ndërsa premtoi edhe një herë se do të bëjë c’është e mundur që drejtësia të vihet në vend, deklaroi ministrja për marrëdhëniet me parlamentin Ermonela Felaj.