Moti i keq i ditëve të fundit ka shkaktuar një numër problemesh në rrethet veriore të Shqipërisë, veçanërisht në Shkodër e Malësi të Madhe, ku është dëmtuar një pjesë e rendësishme e infrastrukturës rrugore. Sot në mëngjes, pas një ndërprerjeje prej 5 ditësh, është mundësuar për disa orë rifillimi i qarkullimit drejt pikëkalimit kufitar të Hanit të Hotit, por në mesditë lëvizja është ndërprerë, për shak të vërshimit të ujrave në një tjetër segment të rrugës. Korrespondenti i Zërit të Amerikës, Pëllumb Sulo ka ndjekur sot nga afër gjendjen në zonë.