Lidhje

Tiranë: Gratë protestojnë për të drejtat e tyre


Në Shqipëri gratë dhe vajzat përballen me një jetë plot dhunë dhe vështirësi, që vijnë nga stereotipe nënvlerësuese për pjesëmarrjen e tyre në shoqëri.

Një numër shoqatash që mbrojnë të drejtat e tyre protestuan sot në sheshin Nënë Tereza.

Një grup organizatash në mbrojtje të të drejtave të grave protestuan sot në sheshin Nënë Tereza për shkeljet, dhunën dhe kushtet e vështira të jetesës së qinda mijëra grave e vajzave shqiptare.

Pjesa dërrmuese e tyre përjetojnë dhunë fizike gjatë gjithë vitit.

Afro 40 për qind e krimeve të rënda në Shqipëri ushtrohen ndaj grave dhe vajzave.

Vetëm një në 5 zyrtarë të lartë janë gra dhe vetëm një në 5 deputetë janë gra.

Në zgjedhjet vendore vetëm 9 gra u zgjodhën kryebashkiake nga 61 njësi bashkiake.

Gratë zënë vetëm 14 për qind të forcave ushtarëake dhe vetëm 10 për qind të focave policore të vendit.

Mbi 75 për qind i viktimave të dhunës në familje janë gra. 90 për qind e viktimave të dhunës seksuale janë gra e vajza.

Gjatë vitit të fundit u regjistruan mb 3 mijë raste dhune ndaj tyre, por pjesa më e madhe nuk raportohen, sepse nuk ekziston besimi tek shërbimet sociale shtetërore.

Rreth 25 për qind e grave në zonat rurale kanë kryer arsimin e mesëm, dhe mbi 55 për qind e grave në zonat urbane kanë kryer arsimin e mesëm.

Papunësia në radhët e grave dhe vajzave është e lartë.

Mesatarisht një në 3 gra është në kërkim të një pune.

Një në 2 gra që punojnë në fasoneri nuk përfitojnë paga dinjitoze, nuk paguhen për orët shtesë, dhe as për lejen vjetore, dhe vuajnë nga pasiguria dhe kushtet e vështira në punë.

Pjesa dërrmuese e grave dhe vajzave punojnë në të zezë, dhe pa kontrata të rregullta dhe pa paga të kënaqshme në shërbime dhe në bujqësi.

Mendimi juaj

Trego komentet

XS
SM
MD
LG