Uragani Ërl po lëviz me shpejtësi të madhe drejt pjesës lindore të Shteteve të Bashkuara, pasi shkaktoi dëme në ishujt e Karaibeve.
Qendra Kombëtare e Uraganeve në Miami tha se sot në mëngjes stuhia e kategorisë së katërt vazhdoi me erëra që kapnin shpejtësinë prej 215 kilometra në orë. Zyrtarët thonë se presin që uragani ta shtojë intensitetin, ndërsa i afrohet brigjeve lindore të Shteteve të Bashkuara, ku pritet të prekë tokën të enjten në mëngjes, në zonën mes shteteve të Karolinës së Jugut dhe New England.
Administratori i Agjencisë Federale për Menaxhimin e Situatave Emergjente, Craig Fugate u bëri thirrje sot banorëve përgjatë bregdetit lindor të vendit që të përgatiten për t’u evakuar nëse është nevoja.
