Lidhje

Një milion shtetas shqiptarë të pajisur me pasaporta biometrike


Një milion shtetas shqiptarë të pajisur me pasaporta biometrike

Një milion shtetas shqiptarë të pajisur me pasaporta biometrike

Policia shqiptare bëri sot të ditur se 2 milion 360 mijë shtetas kanë marrë karta identiteti elektronike dhe mbi 1 milion qytetarë kanë marrë pasaporta biometrike, ndërsa procesi i pajisjes së qytetarëve me dokumenta identifikimi vazhdon me ritme të larta.

Ministri i brendshëm, Lulzim Basha, tha se në këtë mënyrë vetë qytetarët shqiptarë u bënë pjesëmarrës në përmbushjen e një kriteri të Bashkimit Europian për heqjen e vizave 90 ditore, i cili ka të bëjë me pajisjen e sa më shumë qytetarëve me dokumenta moderne identifikimi. "Këto dokumente identifikimi janë të standartit më të lartë bashkëkohor, janë shtylla e identifikimit të shtetasve shqiptarë, sipas një teknologjie të fjalës së fundit, janë një nga katër shtyllat më të rëndësishme të vendimit të Komisionit Europian për të propozuar heqjen e vizave për qytetarët shqiptarë" - tha ai.

Zoti Basha i bëri këto komente në një mbledhje të komisionit parlamentar të ligjeve, ndërkohë që komisionet respektive të Bashkimit Europian diskutonin për lehtësimin e regjimit të vizave më Shqipërinë dhe Bosnjen. "Ky ritëm pune do të vazhdojë edhe në të ardhmen, si do të vazhdojë edhe në fusha të tjera të udhërrëfyesit për liberalizimin e vizave. Gadishmëria, përkushtimi dhe profesionalizmi që kanë karakterizuar këtë proces, do të vazhdojnë edhe më tej" - tha ai.

Ministri i brendshëm Basha hodhi poshtë si të pavërteta akuzat nga politikanë të ndryshëm ndaj drejtuesve të policisë shqiptare.

Ai tha se policia e shtetit dhe prokuroria kanë hetuar të gjitha rastet e kontrabandës, dhe janë depozituara pranë prokurorive të ndryshme, duke theksuar se akuzat ndaj oficerëve të policisë së shtetit trajtohen nga kontrolli i brendshëm i policisë.

Duke iu referuar komenteve politike e mediatike për zv. drejtorin e përgjithshëm të policisë së shtetit, Agron Kuliçaj, ministri Basha u bëri thirrje kujtdo që ka fakte kompromentuese ndaj policisë së shtetit t'i dërgojë në prokurori, ndërsa i quajti të papranueshme presionet politike ndaj forcave të rendit, që godasin krimin e organizuar dhe korrupsionin.

XS
SM
MD
LG