Në fjalimin e tij të përjavshëm Presidenti Obama u zotua se do të bashkëpunojë me anëtarët e të dyja partive, për të përballur sfidat me të cilat ndeshet vendi. Duke folur për tragjedinë e së shtunës së kaluar në shtetin e Arizonës, ku u qëllua me armë zjarri kongresistja Gabriel Giford dhe vitkimat të tjera, Presidenti tha se duhen vazhduar përpjekkjet e për shtimin e vendeve të punës, për të patur një ekonomi më të fuqishme dhe kompetitive, si dhe për të përmirësuar buxhetin dhe për të ulur borxhin. Ai tha se të dyja partitë duhet të bashkëpunojnë, sepse para se të jemi demokratë dhe republikanë, ne jemi të gjithë amerikanë, tha Presidenti Obama.
