Presidenti Obama thotë se lulëzimi i ekonomisë amerikane do të varet nga puna e sukseshme e qeverisë dhe e bizneseve. Në fjalimin e tij të përjavshëm, zoti Obama tha se shkurtimi i taksave i miratuar në muajin dhjetor nga të dyja partitë, do të ndihmojë së shpejti në hapjen e vendeve të punës dhe zhvillimin e ekonomisë. Por Presidenti shtoi se krijimi i vendeve të punës të paguara mirë dhe me përfitime do të jetë faktori i vërtetë që do të përcaktojë stabilitetin ekonomik të vendit. Kjo, tha zoti Obama do të mund të realizohet përmes mbështetjes nga qeveria të novatorizimit dhe përmirësimit të infrastukturës që nxit bizneset.
Obama: Zhvillimi i ekonomisë varet nga bizneset dhe politikat qeveritare
