Lidhje

Tiranë: Rinia dhe institucionet vendim-marrëse


Organizatat rinore dhe Shtëpia e të drejtave të njeriut organizuan në Tiranë një forum për projektet rinore.

Rrjeti kombëtar i të rinjve kërkuan që asnjë vendim për rininë të mos miratohet pa u pyetur ata. Plani kombëtar për të rinjtë, për shembull, nuk ende një bilanc për rezultatet e tij prej disa vjetësh.

Të rinjtë përbëjnë rreth 40 për qind të popullatës shqiptare dhe zëri i tyre nuk dëgjohet.

Ndaj është e nevojshme, pohuan organizatorët e takimt, të ngrihet një dialog mes qeverisë qendrore, asaj vendore, mes parlamentit dhe organizatave rinore për të lehtësuar vështirësitë e tyre.

Folës të tjerë pohuan se dialogu me të rinjtë duhet të jetë i vazhdueshëm, në mënyrë që ata të jenë ideatorë dhe realizues të planeve vendore, sepse u vu re një shkëputje e menjëhershme, madje ata nuk u pyetën as për formën e qendrave rinore që janë hapur.

Autoritetet po hartojnë një program për të rinjtë romë e egjiptianë dhe një program ndihme për të rinjtë me aftësi të kufizuar.

Po hartohet gjithashtu një projekt-strategjie për barazinë gjinore.

Një plan pune më i detajuar po hartohet edhe për mbrojtjen e fëmijëve dhe të rinjve nga dhuna.

Qeveria shqiptare ka një plan kombëtar për të rinjtë, por buxheti për shërbimet ndaj të rinjve është i pamjaftueshëm dhe nuk ka shënuar rritje.

Papunësia në rradhët e tyre është rritur me 3.4 për qind çdo vit, u tha në takim, ndaj është i nevojshëm formimi i tyre profesional.

Ndërkohë ka mbetur në nivele të ulëta pjesëmarrja e të rinjve në konsultimet e institucioneve vendim-marrëse dhe në politikë-bërje.

Trego komentet

XS
SM
MD
LG