Anija e hapësirës Discovery është shkëputur nga Stacioni Ndërkombëtar i Hapësirës dhe ka filluar përgatitjet për kthimin në tokë, ndërsa misioni i saj i 39-ë dhe i fundit shkon drejt përfundimit.
Agjencia amerikane e Hapësirës NASA tha se Discovery u shkëput me sukses nga stacioni i hapësirës sot në mëngjes mbi pjesën perëndimore të Oqeanit Paqësor, në Veri të Guinesë së RE pasi kaloi nëntë ditë e lidhur me stacionin e hapësirës. NASA i shtoi edhe dy ditë misionit të Discovery-t për t’u dhënë astronautëve më shumë kohë për të ndihmuar ekuipazhin e stacionit.
Anija dhe ekuipazhi prej 6 vetësh pritet të ulen në tokë të mërkurën në Qendrën Kenedi të Hapësirës në Florida.
Discovery do të ulet përgjithmonë në tokë si anija më e vjetër dhe me shërbimin më të gjatë në historinë 30 vjeçare të programit. Anija pritet të vendoset përgjithmonë në një muze në Uashington.