Lidhje

Anija "Plastica" ankorohet në portin e Sidneit

  • Zëri Amerikës

Në portin e Sidneit u ankorua sot një anije e ndërtuar me rreth 12 mijë e 500 shishe plastike. Mes të pranishmëve që kishin dalë për të përshëndetur anijen, ishte edhe amabsadori amerikan në Sidnej Xhefri Bleiç. Është fjala për anijen Plastiki të ndërtuar tërësisht me materiale plastike

Ekipi 6 vetësh i anijes Palstiki udhëtoi për 4 muaj nëpër Oqeanin Paqësor. Udhëtimi i tyre synonte të shtonte ndërgjegjësimin për rreziqet që i kanosen njerëzimit nga mbetjet plastike. Anija u nis nga Porti i San Fransiskos më 20 mars dhe ajo përshkoi 15 mijë kilometra në mot të mirë dhe stuhi oqeanike. Fillimisht, ekipi shpresonte ta riciklonte anijen Plastiki, por tani ata po mendojnë ta ruajnë atë dhe ta përdorin si një mjet për t’i mësuar njerëzit se sa i rëndësishëm është procesi i riciklimit.

Ekipin e anijes e udhëhoqi Devid de Rothschild, nga familja e njohur bankjere britanike. Ai tha se i lindi ideja e ndërtimit të anijes Plastiki, pasi kishte lexuar mbi rrezikun që u kanoset oqeaneve nga hedhja e mbeturinave plastike. Anija 18-metërshe mori emrin Plastiki për nder të Thor Hejer-dah, i cili në vitin 1947 kaloi me një trap Oqeanin Paqësor.

XS
SM
MD
LG