Me 1 tetor të këtij viti, në Gjilan filloi punën si institucion i pavarur Universiteti i Gjilanit, universiteti i gjashtë publik i Kosovës. Rektori i tij, zoti Arben Dermaku, bisedoi me Zërin e Amerikës ndër të tjerash, rreth degëve që ofron ky institucion i arsimit të lartë, dhe planeve për përfshirjen e studentëve nga komunat shqiptare në jug të Serbisë, përkatësisht, nga Lugina e Preshevës.