Lidhje

Loja e mistereve: Arratisja nga Dhoma


Arratisja nga Dhoma, një lojë popullore
please wait

No media source currently available

0:00 0:03:21 0:00

Të gjithëve u pëlqen një histori interesante misteri. Që në kohët e Egjiptit të lashtë, njerëzit janë argëtuar duke luajtur lojëra me skenare misterioze: si dedektivë për të zgjidhur problemet. Personazhi i njohur Sherlock Holmes, dedektivi i pagabueshëm britanik u bë frymëzim për lojën e sekreteve, Clue, ku të gjithë mund të luajnë rolin e detektivit. Tani, në epokën e internetit, kemi lojëra si Arratisja nga Dhoma, në të cilën lojtarët janë të mbyllur në një dhomë dhe duhet të gjejnë mënyra për të dalë nga ajo. Kjo lojë është aq popullore, sa që ka kaluar nga realiteti virtual në realitetin fizik. Vetëm në zonën e Uashingtonit, ka më shumë se 10 dhoma të tilla, ku njerëzit provojnë aftësitë e tyre për të zgjidhur misteret.

Arratisja nga Dhoma, një lojë popullore
please wait

No media source currently available

0:00 0:03:21 0:00

Klientët kanë 60 minuta kohë për të dalë nga dhoma, ku janë mbyllur vullnetarisht si pjesëtarë të lojës:

"Kjo është një copëza informacioni të shpërndara në të gjithë dhomën për të zbuluar si dilet nga dhoma. Mund të filloni ta zgjidhni misterin me secilin nga këto elementë. Lojtarët vetë duhet t’i bashkojnë këto copëza informacioni duhen bashkuar për të kuptuar ku është çelësi për të dalë nga dhoma".

Kjo dhomë, njëra nga dy dhomat e arratisjes të pronarit Timothy Smith, është një kopje e Zyrës Ovale në Shtëpinë e Bardhë. Ajo ka vulën presidenciale në qilim, një tavolinë pune si ajo e presidentit dhe portrete të presidentëve.

Ajo që e bën interesante dhomën është se çdo orendi mund të shërbejë për të zgjidhur misterin ku ndodhet çelësi: kjo makinë shkrimi e viteve 1930, ky gramafon që luan këngë të ndryshme, apo kjo hartë e Uashingtonit. Dhe pastaj ka mesazhe të fshehta, që mund të shihen vetëm nën një dritë të zezë.

Ndonjëherë, bie telefoni.

Një zë pyet nëse lojtarët do të donin ndihmë për të gjetur copëzat e informacionit.

Ekipet mund jenë një grup kolegësh, një familje, apo disa shokë, të cilëve iu shtohen edhe dy të panjohur, të cilët sapo janë takuar para fillimit të lojës.

"Nuk kishim parë një Dhomë Arratisjeje më parë. U kënaqëm. Në fakt mendoj se ishte më mirë që nuk e njihnim njëri-tjetrin, sepse u detyruam që gjatë lojës të mësonim si të punonim me njëri-tjetrin".

Përrllogaritet të ketë rreth 600 dhoma të këtij lloji në mbarë vendin. Kur Timothy Smith hapi Dhomën e tij të Arratisjes para një viti, ekzistonin vetëm dy dhoma të tjera. Tani në Uashington ka 12 Dhoma Arratisjeje dhe numri vazhdon të rritet.

Temat dhe ambientet ndryshojnë nga njëra dhomë te tjetra, formula e operimit është e ngjashme: zgjidhja e enigmës kërkon komunikim mes lojtarëve dhe reagim mendor origjinal dhe të shpejtë.

"Ishte pak stresuese. Disa të dhëna dukeshin shumë të ndërlikuara. Por loja ishte shumë argëtuese, dhe ne nuk kishim idenë se çfarë të prisnim. Të gjithë po e luanim lojën për herë të parë".

Shtatë minuta para skadimit të kohës, ekipi më në fund e gjeti çelësin.

"Isha pak i shqetësuar se nuk do t’i gjenim të gjitha të dhëna dhe do të na mbaronte koha. Prandaj jam i gëzuar që arritëm të mbaronim lojën."

Smith thotë se 30-40% e lojtarëve e zgjidhin me sukses misterin.

"Pra, është një lojë shumë e vështirë. Arratisja nga Zyra Ovale nuk është një lojë e lehtë. Unë mendoj se kjo lojë është popullore, sepse ajo i jep një individi shansin për të vepruar si një detektiv ose si agjenti James Bond".

Por, zoti Smith thotë se, si shumica sporteve në ekip, edhe në këtë lojë pjesëtarët duhet të dinë si të respektojnë ekipin dhe të vijnë për t’u argëtuar së bashku.

XS
SM
MD
LG