Autoritetet franceze thonë se policia ka ndaluar një 17-vjeçar, i cili mori peng një klasë plot me fëmijë të arsimit parashkollor.
Zyrtarët thonë se të gjithë fëmijët dhe mësuesja e tyre u liruan, pa pësuar dëmtime. Policia tha se 17-vjeçari, armatosur me shpata, hyri sot në mëngjes me forcë në shkollën e qytetit Besancon dhe mori peng 15 fëmijë.
Një njësi speciale e policisë hyri në ndërtesë dhe bisedoi me adoleshentin, deri sa ai u dorëzua. Nuk është i qartë motivi i tij për marrjen peng të fëmijëve, por zyrtarët thanë se ai është kuruar për depresion.