Lidhje

Tiranë: Dita e parë e shkollës për 27 mijë fëmijë


Mbi 27 mijë fëmijë nisën sot klasat e para të arsimit fillor shqiptar plot ëndrra për t'iu kushtuar dijes dhe kulturës, një pjesë me mungesa në libra dhe në objekte shkollore, por një pjesë me shkolla të rindërtuara dhe kushte optimale.

Fëmijët e klasave të para iu bashkuan sot afro 392 mijë nxënësve, djem e vajza të arsimit 9-vjeçar që iu drejtuan shkollave për të nisur procesin mësimor.

126 shkolla në gjithë vendin janë rindërtuar dhe një pjesë e shkollave të kryeqytetit, si shkolla “1 Maji”, ishin të rindërtuara tërësisht dhe me kushte normale mësimore.

Sistemi arsimor shqiptar ka sivjet tekste të reja për 155 mijë nxënës, afro sa gjysma e numrit të përgjithshëm.

Ngarkesën e programeve të reja e përballojnë 30 mijë mësues, nga të cilët 1500 mësues u punësuan rishtas nga një sistem i ri.

Por ndërsa fëmijët e klasave të para dhe gjimnazeve e dinë së paku klasën ku po shkojnë, kjo nuk mund të thuhet sivjet për arsimin e lartë, i cili u përfshi në paqartësi dhe konfuzion, si rrallë ndonjë herë në dekadat e fundit.

Pjesa më e madhe e maturantëve ende nuk kanë përgjigje nga autoritetet se ku do të vazhdojnë studimet e larta, edhe pse arritën rezultate të larta në gjimnaze.

XS
SM
MD
LG