Lidhje

Protesta të reja në kryeqytetin tunizian dhe në qytetin Sfax

  • Zëri Amerikës

Protesta të reja në kryeqytetin tunizian dhe në qytetin Sfax

Protesta të reja në kryeqytetin tunizian dhe në qytetin Sfax

Protesta të reja shpërthyen në kryeqytetin tunizian dhe në qytetin Sfax, ndërkohë që demonstruesit vazhdojnë të kërkojnë dorëheqjen e zyrtarëve qeveritarë që kanë lidhje me administratën e Presidentit Zine El Abidin Ben Ali.

Policia përdori gaz lotësjellës në drejtim të protestuesve që qëllonin me gurë sot në Tuniz. Ndërkaq, njoftimet e medias bëjnë të ditur se një grup sindikalist ka organizuar një tubim të madh në qytetin Sfax, pranë bregdetit tunizian.

Po sot, agjencia tuniziane shtetërore e lajmeve thotë se zyrtarët do të njoftojnë ndryshime në përbërjen e qeverisë së përkohëshme.

Zëdhënësi i qeverisë Taib Bakush tha dje se kandidaturat e reja do të mbushin vendet e lëna bosh nga dorëheqjet e javës së kaluar.

Më parë, zyrtarët tunizianë thanë se kishin nxjerrë një urdhër-arresti ndërkombëtar për presidentin e rrëzuar Ben Ali dhe pjesëtarë të familjes së tij, të akuzuar për përvetësim pasurish dhe transferim fondesh jashtë vendit.

Zoti Ben Ali u arratis nga Tunizia pasi shpërthyen trazira lidhur me papunësinë, rritjen e çmimeve dhe qeverisjen e korruptuar.

XS
SM
MD
LG