Lidhje

Atmosferë festive në pritjen e Papës

  • Pëllumb Sulo

Sheshi “Skënderbej dhe ai “Nënë Tereza”, që të dy simbole të kombit shqiptar, u mbushën sot në Tiranë me mijra qytetarë, pjesa më e madhe të rinj, të ardhur nga rrethe të ndryshme të Shqipërisë, por edhe nga Kosova, Mali i Zi, Maqedonia si dhe shqiptarët me banim në Shtetet e Bashkuara të Amerikës.

Një atmosferë festive e veçantë mbizotëroi për më shumë se pesë orë përgjatë të gjithë bulevardit, duke dëshmuar vlerësimin dhe nderimin e thellë që shqiptarët, kudo ku jetojnë, kanë për Atin e Shenjtë, Papa Françeskun dhe vizitën e tij në Shqipëri.

Mes qytetarëve të shumtë, që pritën sot Papa Françeskun në Tiranë, ishin edhe një numër i madh besimtarësh nga qytete të ndryshme të Kosovës. Ata vlerësuan këtë vizitë disaorëshe si historike për mbarë kombin shqiptar.

Trego komentet

XS
SM
MD
LG