Lidhje

Australia kap një të dyshuar për krime lufte në Kroaci

  • Zëri Amerikës

Australia kap një të dyshuar për krime lufte në Kroaci

Policia australiane kapi një person të dyshuar për krime lufte i cili u zhduk pas vendimit të Gjykatës së Lartë së vendit se ai mund të ekstradohej në Kroaci.

Ministria e Punëve të Brendshme australiane tha sot se informacionet e policisë holandeze i ndihmuan zyrtarët të gjejnë 55-vjeçarin Dragan Vasiljkoviç, i njohur edhe me emrin Daniel Snedden.

Në një deklaratë thuhej se Vasiljkoviç u gjet në shtetin australian të New South Wales-it, ku ai edhe jetonte.

Kroacia e akuzon Vasiljkoviçin se ka torturuar dhe vrarë civilë dhe robër kroatë kur ishte komandant i paraushtarakëve serbë i njohur me emrin Kapiteni Dragan gjatë konfliktit ballkanik në vitet 1990.
Vasiljkoviçi mohon se ka kryer krime lufte.

XS
SM
MD
LG