Autoritetet kineze mohuan zyrtarisht thëniet se Gjiang Xëmin ka vdekur, pas spekullimeve për disa ditë lidhur me gjendjen shëndetësore të ish-presidentit kinez.
Njoftimet për vdekjen e udhëheqësit kinez 84-vjeçar filluan të përhapen përmes internetit, pasi ai nuk u shfaq gjatë ceremonive me rastin e 90 vjetorit të themelimit të Partisë Komuniste të Kinës.
Një televizion i Hong Kongut njoftoi se zoti Gjang kishte vdekur mbrëmjen e së mërkurës. Njoftime të ngjashme u dhanë edhe në mediat japoneze dhe jugkoreane.
Pasi u përpoqën për një ditë ta cenzuronin lajmin në Internet, zyrtarët kinezë e mohuan zyrtarisht njoftimin, duke e quajtur atë një zhurmë të kotë.