Stacioni hekurudhor ndërkombëtar i Bajzës është i vetmi në Shqipëri që shërben për transportin ndërkombëtar të mallrave. Sipas ekspertëve, përmes këtij stacioni realizohet rreth 60 përqind e trafikut të transportit shqiptar të mallrave. Ndërkohë, hekurudha shqiptare po bën përpjekje për zgjerimin e bashkëpunimit, në fushën e transportit ndërkombëtar të mallrave, edhe me vendet e tjera të rajonit.