Bashkimi Evropian e ka zgjatur mandatin e misionit të policisë dhe drejtësisë në Kosovë edhe për dy vite të tjera.
Komisioni Evropian që është organi ekzekutiv i Bashkimit Evropian tha të martën se vendimi për të qendruar në Kosovë deri në vitin 2012 thekson angazhimin e fuqishëm të bllokut për zbatimin e ligjit në Kosovë.
Misioni i quajtur EULEX, u formua pas shpalles së pavaresisë së Kosovës nga Serbia, për të ndihmuar agjencitë e rendit në Kosovë që të zhvillojnë qendrueshmëri dhe përgjegjshmëri. Bashkimi Evropian e quan EULEX-in në Kosovës si misionin më të madh civil të angazhuar në bazë të politikave të përbashkëta të sigurisë dhe mbrojtjes.