Udhëheqësit e Bashkimit Evropian u takuan sot në Bruksel për të diskutuar mbi situatën në Libi dhe krizën ekonomike në Evropë. Disa vende anëtare shprehën rezerva për qëndrimin e Francës ndaj Libisë duke theskuar rëndësinë e një qëndrimi të përbashkët.
Presidenti francez Nicolas Sarkozy u përball me presion në rritje sot nga udhëheqësit e BE-së, të pakënaqur me lëvizjen e tij duke njohur opozitën në Libi para diskutimit të një veprimi të përbashkët.
Kryeministri holandez Mark Rutte e cilësoi vendimin e qeverisë franceze si një lëvizje të çuditshme.
Ne kemi një traditë më shumë se 10 vjeçare, të njohjes së shteteve dhe jo të qeverive.”
Vendimi i presidentit Sarkozy për të njohur Këshillin e Përkohshëm Qeverisës në Libi la në hije përpjekjet e BE-së për të treguar bashkim në deklarimin e regjimit të Moamar Gadafit të përfunduar.
Anëtarë të tjerë të BE-së po bëjnë thirrje për maturi gjatë ditëve të luftimeve të vazhdueshme.
“Është e rëndësishme që vendet e Evropës të tregojnë vullnet politik, ambicje dhe bashkim për të qënë të qartë se kolonel Gadafi duhet të largohet. Regjimi i tij është i paligjshëm”.
Udhëheqësit e BE-së thanë se symini kryesor i takimit ishte t’i bëhej presion regjimit të Gadafit dhe t’u jepet ndihmë njerëzve në nevojë. Kancelarja gjermane Angela Merkel tha se Gadafi duhet të largohet.
“Duhet të jetë e qartë se ai që lufton kundër popullit të vet, nuk mund të jetë bashkëbisedues me Bashkimin Evropian. Prandaj ne kërkojnë largimin e menjëhershëm të Gadafit.”
Të gjitha opsionet, përfshi zonën e ndalim fluturimit janë në tryezën e bisedimeve.
Udhëheqësit e BE-së diskutuan edhe për situatën ekonomike në vendet e eurozonës. Ata përshëndetën hapat e ndërmarra nga Irlanda, Portugalia dhe Greqia, përfshi përpjekjet e fundit të ndërmara nga Portugalia për të pakësuar defiçitin buxhetor.
Udhëheqësit e BE-së kërkojnë që Greqia të punojë më shumë për të zbatuar programin e reformave ekonomike sipas marrëveshjes me BE-në dhe FMN-në.
Kryeministri grek George Papandreu tha sot se vendi i tij ka bërë përpjekje për të reformuar ekonominë dhe se Evropa duhet të marrë vendime të fuqishme për të qetësuar tregjet financiare. Udhëheqësit e euro zonës diskutuan gjithashtu “paktin e konkurrencës” me shumicën e shteteve që kërkojnë që Gjermania të dalë e para me angazhimin për të forcuar fondin për ndihmën financiare të eurozonës. Pakti pritet të nënshkruhet zyrtarisht në fund të muajit.