Në Kosovë, përfaqësues të bizneseve thonë se gjatë tremujorit të dytë të këtij viti mjedisi i të bërit biznes është përkeqësuar në krahasim me periudhën e njëjtë të vitit të kaluar, ndërsa shqetësim mbetet edhe rënia e pritshmërive që bizneset të rrisin punësimet. Gjatë prezantimit të rezultateve të një ankete lidhur me gjendjen dhe sfidat e bizneseve në Kosovë, u tha se bizneset përballen me shumë sfida që nga kreditë e larta e deri te rënia e fuqisë blerëse.