Në Kosovë, drejtuesit e bllokut opozitar bënë të ditur sot se janë të gatshëm të heqin dorë nga posti i kryetarit të parlamentit, vetëm nëse mandati për krijimin e qeverisë i jepet shumicës parlamentare. Ata thanë se i kanë dërguar presidentes së Kosovës, Atifete Jahjaga një propozim për mënyrën e zgjidhjes së situatës së krijuar ndërsa presin që shumë shpejt të krijohen institucionet. Por, kryetari i PDK-së Hashim Thaci e ka hedhur poshtë një propozim të tillë, ndërsa tha se janë vetëm dy zgjidhje, gjetjen e një zgjidhjeje më të mirën për vendin ose vendosjen e datës për mbajtjen e zgjedhjeve të reja të jashtezakonshme. Kjo është lëvizja e parë e partive politike, pas gati pesë muajsh që nga mbajtja e zgjedhjeve parlamentare.