Avokati i Popullit prezantoi sot në Shkodër Raportin e Posaçëm për Gjakmarrjen ku, mes të tjerash, theksohet se në Shqipëri ende nuk ka të dhëna të sakta e të plota mbi përmasat dhe shtrirjen e fenomenit të gjakmarrjes, si dhe familjeve të ngujuara.
Sipas këtij raporti, që pritet t'i dërgohet parlamentit, strukturat shtetërore nuk janë angazhuar në mënyre plotë dhe serioze në luftën kundër gjakmarrjes.