Driton Maliqi, autor i librit të ri My English Cup of Tea apo ‘Çaji anglez’, thotë se në vitin 1998, kur ai vendosi të largohej nga Kosova, shpresa e tij ishte një e ardhme më e mirë dhe mundësia për të ndihmuar vendin e tij prej nga ku do të shkonte. Libri përshkruan përpjekjet e autorit për të mbërritur në mënyrë të paligjshme në Britaninë e Madhe si dhe qëndrimin e tij në atë shtet, ku ai kërkoi strehim politik. Zoti Maliqi tani jeton në Montreal të Kanadasë dhe kolegu Julian Zyla bisedoi me të nëpërmjet Skypit.