Qeveria britanike tha sot se do t’i japë fund mbajtjes në burg të fëmijëve të personave që u është mohuar kërkesa për azil, ndërsa ata presin të deportohen nga vendi.
Zëvendës-kryeministri Nick Clegg tha se qeveria do t’i jepte fund kësaj praktike “të turpshme”, që vetëm vitin e kaluar kishte vënë prapa hekurave 1 mijë fëmijë të pafajshëm.
Nga muaji mars i vitit të ardhshëm, tha zoti Clegg, fëmijët e azilkërkuesve, të cilëve u është mohuar leja e qëndrimit në Britani, do të akomodohen në mjedise “të përshtatshme për familje”.
Zoti Clegg tha se vendimi pasqyron dëshirën e qeverisë për të vënë ne mbrojtje fëmijët.
Qendra Ligjore për Fëmijë mirëpriti me rezerva vendimin dhe tha se shqetësohet se akomodimet e propozuara duken se janë burg me një emër tjetër.